പരന്നൊഴുകുന്ന പുഴ

ഒഴുകിപ്പരന്നു തെളിയാം 

എന്നടിത്തട്ടിലൊളിപ്പിച്ചതെല്ലാം.

ഉരുണ്ടു മിനുസമാം സ്വപ്നവും,

നീന്തിത്തുടിക്കുന്ന തൃഷ്ണയും,

നാമ്പായ് വിടർന്ന പ്രതീക്ഷയും,

ഏറ്റം തരിയായ ഭാവവും.

ഒഴുകിപ്പരന്നു തെളിയാം 

എന്നോടൊത്തൊഴുകുന്നതെല്ലാം.

വെറുമൊരു കുമിളയാം തൃപ്തിയും,

എല്ലാം വിഴുങ്ങുന്ന ഭീതിയും,

പിന്നെയൊഴുക്കായ സ്നേഹവും,

നിന്നിലേക്കെത്തുന്ന പാതയും.

ആഴമില്ലാതെയൊഴുകുവാനെത്ര 

ആയാസമാണെന്നുകണ്ടോ!