ചിത്രം 20

വലിയ മരം 

പരന്ന നിലം 

ചവേല പൊതിഞ്ഞ തണൽ 

എത്രപരമാർത്ഥമത്രനിരർത്ഥകം!

ആദ്യത്തെ ചോദ്യങ്ങൾ

നിനക്ക് സുഖമോ കുഞ്ഞേ?

നീ ഞാനല്ലെന്നുണ്ടോ?

നീ അവളുമല്ലെന്നുണ്ടോ?

മനസ്സ് പ്രസവിക്കുന്ന 

സിദ്ധാന്തമോ കവിതയോ 

പോലെയാണോ നീ?

വീർത്തു വരുന്ന വയറിനുള്ളിൽ 

ആടിത്തിമിർക്കുകയാണോ നീ?

നീയെല്ലാമറിയുന്നുണ്ടെന്നവർ 

പറയുന്നത് സത്യമോ?

അവളും ഞാനും നിന്നി-

ലൂടെയാണോ ഒഴുകുന്നത്? 

അതോ നീ ഞങ്ങളിലൂടെയോ? 

നിനക്ക് സുഖമോ കുഞ്ഞേ?

ഒരു ചോദ്യം കൂടി:

നിനക്കൊരു പേരുമായി വരാമോ?