രസങ്ങൾക്ക് അവസാനമുണ്ടെങ്കിൽ അവസാനത്തേത് അത്ഭുതമായിരിക്കും!

ജനനവും മരണവും

വീണ്ടും വീണ്ടും സംഭവിക്കുന്നതുകൊണ്ട് അത്ഭുതം അത്ഭുതമല്ലാതാകുന്നില്ലല്ലോ!

കാരണം കാര്യകാരണമോ? അതോ, കാര്യം കാരണകാരണമോ?

കാലം

ഒരുപൂ വിരിഞ്ഞുവാടി-

കൊഴിഞ്ഞുപോകും നേരം

തളിർത്തുവെന്നിൽ

പുതിയൊരു പൂക്കാലം

ആപൂക്കാലം

കഴിഞ്ഞുപോകും കാലം

പെയ്തുവെന്നിലൊരു 

നനുത്ത മഴക്കാലം

ഋതുക്കളോരോ-

ന്നൊഴിഞ്ഞുപോയപ്പോഴും

നിനച്ചതില്ലെൻ

വർണ ഋതുകാലം -

ഞാൻ മണ്ണിലലിഞ്ഞു

കിളിർത്തു വരുംകാലം.