വാഗ്ദാനം

മരണമെന്ന ഉറച്ച വാഗ്ദാനമാണ് ജീവിതം ഇത്ര സുന്ദരമാക്കുന്നത്.

നാമ്പ്

കൊടിയവേനലിൽ

ചെറിയനാമ്പോരു

വലിയമേഘം കൊതിച്ചു.

മഴയിലവളുടെ

ഹൃദയദാഹമൊരു

ചെറിയതുള്ളിയാൽ തീർന്നു.

ചിത്രം #11 : കുട്ടിയും കടലും

അത്ഭുതത്താൽ വികസിച്ച മുഖവുമായി 

കൈകളുയർത്തി തലയിൽവെച്ച് 

ആദ്യമായി കടലുകാണുന്ന കുട്ടി.

കാക്ക

പറക്കുന്നതും കാക്ക 

പറപ്പാതയും കാക്ക 

കൊക്കിലെ കൂരിയും കാക്ക 

ഇറ്റുന്ന വെള്ളവും കാക്ക 

മുറ്റത്തുനിന്നതു കാണുന്ന 

കുട്ടിയും കാക്ക