ത്യാഗമാണ് വാക്ക്.
എക്കാലത്തേയും.
വേദനിപ്പിക്കുമെങ്കിലും
സംതൃപ്തിയുടെ
ഒരു കടൽ
അതു നിനക്കു നല്കും.
ത്യാഗമാണ് വാക്ക്.
എല്ലായിടത്തും.
ത്യജിക്കുന്നതിലും
കൂടുതൽ
ശുദ്ധമായത്
അതു നിനക്കു നല്കും.
കാണുന്നത് ത്യജിക്കൂ,
എങ്കിൽ
നിനക്കു കാഴ്ച ലഭിക്കും.
കേൾക്കുന്നത് ത്യജിക്കൂ
നിനക്ക്
കേൾവിയായ് മാറാം.
ത്യാഗമാണ് വാക്ക്.
ഏത് കൊടുംവേനലിലും
വറ്റാത്തത്.
ഏത് വറുതിയിലും
എടുത്തു തീരാത്തത്.
ത്യാഗമാണ് വാക്ക്.
നിന്നിലും എന്നിലും
മുഴങ്ങുന്നത്.
നീയും ഞാനുമായത്.
സൃഷ്ടിയുടെ രഹസ്യം
ശ്രഷ്ടാവിന്റെയും.
No comments:
Post a Comment