ഒരു മരം പൂവിട്ട നേരം
പൂങ്കുയില് പാടിത്തുടങ്ങി
കുയിലിന്റെ പാട്ടു കേട്ടപ്പോള്
പൂക്കളോ പുഞ്ചിരി തൂകി.
പൂക്കള്തന് പുഞ്ചിരി കണ്ട്
വണ്ടുകള് കൂട്ടമായെത്തി
ആനന്ദധാരയാല് പൂക്കളില്
തേനോ നിറഞ്ഞു കവിഞ്ഞു.
പൂവില് നിറഞ്ഞ തേനെല്ലാം
വണ്ടുകള് ചുംബിച്ചെടുത്തു
തേനിന് ലഹരിയില് മുങ്ങി
വണ്ടുകള് മൂളിത്തുടങ്ങി.
വണ്ടിന്റെ മൂളിച്ച കേട്ട്
പൂങ്കുയില് പാട്ടങ്ങു നിര്ത്തി
തേനൂറും പാട്ടു നിന്നപ്പോള്
പൂക്കളോ വാടിക്കൊഴിഞ്ഞു.
പിന്നെയും പൂക്കള് വിരിഞ്ഞു
പിന്നെയും കുയിലുകള് പാടി
പിന്നെയും വണ്ടു തേനുണ്ടു
കാലമോ വീണ്ടും തിരിഞ്ഞു.
No comments:
Post a Comment