വൃത്തം

അവനൊരു വൃത്തം വരച്ചു. അതും അതിനുള്ളും താനാണെന്നും അതിനു പുറത്തുള്ളതെല്ലാം തന്നില്‍നിന്നു ഭിന്നമാണെന്നും അവന്‍ സങ്കല്‍പ്പിച്ചു. ആ സങ്കല്പം കുറച്ചു കാലം അവനു തൃപ്തിയേകി. പിന്നെ ആ വൃത്തം അസ്ഥിരമാണെന്ന്  അവന് തോന്നിത്തുടങ്ങി. ഒന്നുകില്‍ വൃത്തം ചുരുങ്ങിച്ചുരുങ്ങി ഒരു ബിന്ധുവിലവസാനിക്കണമെന്നും അല്ലെങ്കില്‍ അത് വലുതായിവലുതായി അനന്തതയില്‍ ലയിക്കണമെന്നും അവന് തോന്നി. അതിലേതാണ് വേണ്ടതെന്ന ചോദ്യം അവനെ കുഴച്ചു. എന്നാല്‍ അത് രണ്ടും ഒന്ന് തന്നെയാണെന്ന് പിന്നെ അവന് തോന്നിത്തുടങ്ങി.