നിനക്ക് സുഖമോ കുഞ്ഞേ?
നീ ഞാനല്ലെന്നുണ്ടോ?
നീ അവളുമല്ലെന്നുണ്ടോ?
മനസ്സ് പ്രസവിക്കുന്ന
സിദ്ധാന്തമോ കവിതയോ
പോലെയാണോ നീ?
വീർത്തു വരുന്ന വയറിനുള്ളിൽ
ആടിത്തിമിർക്കുകയാണോ നീ?
നീയെല്ലാമറിയുന്നുണ്ടെന്നവർ
പറയുന്നത് സത്യമോ?
അവളും ഞാനും നിന്നി-
ലൂടെയാണോ ഒഴുകുന്നത്?
അതോ നീ ഞങ്ങളിലൂടെയോ?
നിനക്ക് സുഖമോ കുഞ്ഞേ?
ഒരു ചോദ്യം കൂടി:
നിനക്കൊരു പേരുമായി വരാമോ?
No comments:
Post a Comment