അവസാനത്തേതിന്റെ മാധുര്യം

അവസാനത്തേത് മാധുര്യമേറിയതായിരിക്കും, പ്രത്യേകിച്ച് അവസാനത്തേതാണെന്ന് അറിയുകയാണെങ്കിൽ. ഉദാഹരണത്തിന് എനിക്കാരെങ്കിലും ഒരു ലഡു തരുകയാണെന്ന് വിചാരിക്കുക. അത് കഴിച്ചു കഴിയുമ്പോൾ മറ്റൊന്നുകൂടെ തരുകയാണെന്നും അപ്പോൾ കാലിയായ ലഡുവിന്റെ പാക്കറ്റ് ഞാൻ കാണുകയാണെന്നും വിചാരിക്കുക. അപ്പോൾ ആ ലഡു ആദ്യത്തേതിനേക്കാൾ എനിക്കെത്ര മാധുര്യമേറിയതായിരിക്കും! ഇനി മറ്റൊരുദാഹരണമെടുക്കാം. ഈ പോസ്റ്റ് എന്റെ അവസാനത്തേതാണെന്നും അത് ഞാൻ മനസ്സിലാക്കുന്നുവെന്നും വിചാരിക്കുക. എത്ര വികലമായ് എഴുതിയിരുന്നാലും ഈ പോസ്റ്റ് എനിക്കെത്ര പ്രിയപ്പെട്ടതായിരിക്കും എന്നോർത്തുനോക്കൂ. അവസാനത്തെ ഉദാഹരണമെടുക്കാം. അത് ഏറ്റവും  അർത്ഥപൂർണമാക്കാൻ ഞാനെത്ര ശ്രമിക്കുമെന്ന് ആലോചിച്ചുനോക്കിയാൽതന്നെ കാര്യങ്ങൾ എളുപ്പത്തിൽ മനസ്സിലാകുമെന്ന് കരുതുന്നു.