കുട്ടിത്തം

ഞാൻ ചരിഞ്ഞു കിടന്നു. ഹൃദയം ചെവിയിൽ മിടിച്ചുകൊണ്ടിരുന്നു. പതുക്കെ എഴുന്നേറ്റു. അനിയത്തിയുടെ കുട്ടി ഉറങ്ങാൻ പോകുന്നു. ഞാൻ അവനെ ലുഡൊ കളിക്കാൻ വിളിച്ചു. അമ്മയുടെ വഴക്ക് കേൾക്കാതെ അവൻ വന്നു. കളി നീങ്ങിയത് വളരെ വേഗമായിരുന്നു. എന്റെ നീക്കങ്ങൾപോലും അവൻ കളിച്ചു. അവൻ കളി ജയിക്കാനായപ്പോൾ എന്റെ കണ്ണു നിറഞ്ഞതുകണ്ട് അവൻ ചോദിച്ചു: 'മാമനെന്തുപറ്റി?'. 'തോല്ക്കാറായതോണ്ടാവും', ഞാൻ മറുപടി പറഞ്ഞു. പിന്നെ അവൻ മാത്രമാണ് കളിച്ചത്. എന്നെ ജയിപ്പിച്ചശേഷം എന്റെ കണ്ണുകൾതുടച്ച് ഗുഡ്നൈറ്റ്‌ പറഞ്ഞ് അവൻ കിടക്കാൻ പോയി.