നീയൊരു കടലാസും
ഞാനൊരു മൊട്ടുസൂചിയുമെങ്കില്
എനിയ്ക്കു നിന്നില്
തറഞ്ഞു കിടക്കാമായിരുന്നു.
നീയൊരാകാശവും
ഞാനൊരു പറവയുമെങ്കില്
എനിയ്ക്കു നിന്നില്
പാറിപ്പറക്കാമായിരുന്നു.
നീയൊരു വയലും
ഞാനൊരു വിത്തുമെങ്കില്
എനിയ്ക്കു നിന്നില്
കിളിര്ത്തു ജീവിക്കാമായിരുന്നു.
എന്നാല് അവര് പറയുന്നു,
കടലാസു മൊട്ടുസൂചിയും,
ആകാശം പറവയും,
വയലൊരു വിത്തും,
നീ ഞാനുമാണെന്ന്.
അപ്പോള്പിന്നെ,
തറഞ്ഞു കിടക്കുന്നതിലും,
പാറിപ്പറക്കുന്നതിലും,
കിളിര്ത്തു ജീവിക്കുന്നതിലും,
അര്ത്ഥമൊന്നുമില്ലല്ലോ.
ഞാനൊരു മൊട്ടുസൂചിയുമെങ്കില്
എനിയ്ക്കു നിന്നില്
തറഞ്ഞു കിടക്കാമായിരുന്നു.
നീയൊരാകാശവും
ഞാനൊരു പറവയുമെങ്കില്
എനിയ്ക്കു നിന്നില്
പാറിപ്പറക്കാമായിരുന്നു.
നീയൊരു വയലും
ഞാനൊരു വിത്തുമെങ്കില്
എനിയ്ക്കു നിന്നില്
കിളിര്ത്തു ജീവിക്കാമായിരുന്നു.
എന്നാല് അവര് പറയുന്നു,
കടലാസു മൊട്ടുസൂചിയും,
ആകാശം പറവയും,
വയലൊരു വിത്തും,
നീ ഞാനുമാണെന്ന്.
അപ്പോള്പിന്നെ,
തറഞ്ഞു കിടക്കുന്നതിലും,
പാറിപ്പറക്കുന്നതിലും,
കിളിര്ത്തു ജീവിക്കുന്നതിലും,
അര്ത്ഥമൊന്നുമില്ലല്ലോ.
No comments:
Post a Comment